Më shumë se 400 shezlongë e çadra janë hequr nga plazhi i Ksamili, në zonë e quajtur Pema e Thatë.
Lajmi është bërë i ditur nga Polica e Shtetit e cila ka njoftuar se dy administratorët po procedohen penalisht. Mësohet se për veç “zaptimit” të vendit të dy pronarët nuk lëshonin kupon tatimor dhe fshihnin të ardhurat.
“Në kuadër të planit operacional për kontrollin e vijës bregdetare dhe lirimin e hapësirave bregdetare të zaptuara në mënyrë të kundërligjshme, nga subjekte të ndryshme që vendosin çadra dhe shezlongë, nga specialistët për Hetimin e Krimeve në Komisariatin e Policisë Sarandë u referuan materialet në Prokurori dhe nisi procedimi penal për shtetasit:
-Gj. I., 58 vjeçe (pronare e subjektit), për veprat penale “Pushtimi i tokës” dhe “Fshehja e të ardhurave”;
-K. I., 38 vjeç (administrator i subjektit), për veprën penale ““Pushtimi i tokës”.” ka njoftuar policia.
