Një aksident ka ndodhur mbasditen e kësaj të mërkure ku një makinë ka dalë nga rruga dhe është përplasur me bordurën.
Nga përplasja kanë ngelur të plagosur shoferi dhe pasagjeri, por ndodhen në spital jashtë rrezikut për jetën.
Më datë 20.07.2022, rreth orës 18:15, në aksin rrugor Vuno-Himarë , shtetasi F. Ç, duke drejtuar automjetin tip “Ford”, dyshohet se ka humbur kontrollin dhe është përplasur me bordurën anësore të rrugës. Si pasojë ka mbetur i dëmtuar, së bashku me pasagjerin, shtetasin S. H. Të dy shtetasit ndodhen në spital, jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
