Dorjan Keqi, 40-vjeçari nga Kurbini është arrestuar si vrasësi i ish-drejtorit të OSHEE-së, Saimir Jakut në 2016.
Policia ka bërë me dije se Keqi është paguar nga banda, e cila vepron në qarkun e Lezhës dhe dyshohet se ka porositur një sërë vrasjesh të tjera. Bëhet me dije se uniformat blu kanë rënë në gjurmë të bandës, por për shkak të hetimit nuk kanë dhënë detaje të tjera.
Po ashtu policia ka njoftuar se po punohet intensivisht për zbardhen e ngjarjes së Milotit, por nuk ka bërë me dije nëse banda që operon në Lezhë ka lidhje me vrasjen e ndodhur.
