Një ngjarje e rëndë ka ndodhur mbrëmjen e djeshme në Fier, një 41-vjeçar ka goditur veten me thikë. Sipas njoftimit paraprak të policisë, ai vuante nga depresioni. Gjithashtu raportohet se familjarët e kanë transportuar në spital në orët e para të mëngjesit.
Njoftimi i policisë/ Fier
Informacion paraprak
Sot, rreth orës 05:40, është sjellë nga familjarët në spitalin e Fierit, shtetasi E. N., 41 vjeç, banues në Radostinë, Fier, i cili dyshohet se në gjendje depresioni ka goditur veten me mjet prerës.
41-vjeçari ndodhet nën kujdesin e mjekëve jashtë rrezikut për jetën.
Grupi hetimor po punon për zbardhjen e plotë të rrethanave të ngjarjes.
