Një tragjedi është shënuar orët e vona të mbrëmjes së djeshme në Itali, ku katër të rinj të moshës 18 dhe 19 vjeç, kanë humbur jetën në një aksident automobilistik.
Referuar mediave italiane, mes viktimave është edhe një shqiptar.
Të rinjtë po ktheheshin nga një festë në Godega di Sant’Urbano, kur mjeti tip Volkswagen Polo, rrëshqiti në një kthesë dhe më pas doli nga rruga, për t’u përmbysur në një kanal.
Makina më të cilën po udhëtonin të rinjtë nga Cordignano me Godega, ka dalë nga rruga në një kthesë dhe më pas është përplasur me një pemë. Kanë qenë banorët ata që kanë njoftuar policinë dhe ambulancën, pasi kanë dëgjuar zhurmën e përplasjes.
Viktimat, të cilët ishin bashkëmoshatarë, u identifikuan si Daniele De Re, Xhuliano Këlliçi (me origjinë shqiptare), Daniele Ortolan dhe Marco Da Re.
Pas mbërritjes së ekipit mjekësor dhe forcave zjarrfikëse që kanë bërë të mundur nxjerrjen e trupave, të katërt janë konstatuar të vdekur.
