Ish kryeministri i Kosovës, Ramush Haradinaj ka folur për dialogun Kosovë-Serbi, i cili u zhvillua ditën e djeshme në Bruksel.
Haradinaj përmes një statusi në rrjetin social në Facebook ka shkruar se dialogu i deritashëm nuk duhet të zbehet e të rikthehet parp nga e para.
Sipas tij, zbatimi i rendit dhe ligjit në tërë vendin, duhet të ndodh në përputhje me Kushtetutën dhe ligjet e Republikës së Kosovës.
Ai tha se Amerika kësaj here i dha shtytje procesit të udhëhequr nga BE dhe ndihmoi dhe e riktheu normalitetin në raportet Kosovë-Serbi.
“Duke i shprehur mirënjohje Bashkimit Evropian për lehtësimin e dialogut, është momenti i duhur që BE ta dorëzojë portfolion te Presidenti Biden, për marrëveshjen finale për njohje reciproke Kosovë – Serbi”, ka shkruar Haradinaj në Facebook.
