Një 35-vjeçar u arrestua nga policia në Tiranë për drogë në kuadër të operacionit “Miks”. Ai është D. L., 35 vjeç, banues në Tiranë.
Sekuestrohen sasi lënde të dyshuara narkotike ekstazi, LSD, MDMA. Gjithashtu kokainë e ndarë në doza gati për shitje dhe shuma parash që dyshohet se janë përfituar nga ky aktivitet kriminal.
Policia thotë gjatë kontrollit fizik ndaj D. L. dhe kontrollit në banesën e tij gjeti drogën.
“Dozat dyshohet se shpërndante në zona të ndryshme të Tiranës, kryesisht në afërsi të Bllokut, Unazës së Re dhe Ish-stacionit të Trenit” tha policia.
Materialet i kaluan Prokurorisë, për veprime të mëtejshme procedurale.
