Ish-kryeministri Sali Berisha ditën e sotme mblodhi Kryesinë e PD-së në nisje të sesionit të ri parlamentar pas pushimeve. Ai tha se Tirana po vlon dhe Shqipëria po zien kundër qeverisë.
“Kryesia do të miratojë grupet e punës, departamentet dhe disa sekretarë të disa degëve që nuk kanë përfunduar akoma.
Ne mblidhemi sot pas një vere shumë të nxehtë, e cila vazhdon me temperatura të larta në shpirtin dhe mendjen e qytetarëve.
Sot Shqipëria po zien, Tirana po vlon. Pakënaqësia dhe urrejtja ndaj këtij regjimi po bëhet më e papërmbajtur, gjithnjë e më e madhe.
Institucionet janë kthyer në sera që përgatisin hajdutë zyrtarë” tha ai.
