Një nëndetëse ruse me energji bërthamore raportohet se po lundron në detin Mesdhe afër Italisë, siç raporton faqja “Naval News”, shkruan gazeta gjermane “Bild”.
Nuk është e qartë se sa kohë ka qenë në det. Nëndetësja bërthamore ruse duket se i është shtuar konfrontimit Perëndim-Rusi për luftën e Putinit në Ukrainë.
***UPDATE***#Russian Navy SLAVA class cruiser and UDALOY class destroyer still loitering off Ireland /Britain. Seen in satellite image yesterday#OSINT pic.twitter.com/8fBSn7KWP4
— H I Sutton (@CovertShores) September 3, 2022
“Megjithatë, analistët e NATO-s i kanë sytë te anija. Nuk dihet saktësisht se për çfarë lloj nëndetëse bëhet fjalë. Ka të ngjarë të jetë një nëndetëse me energji bërthamore, d.m.th. me energji bërthamore. Termi nuk do të thotë se mban armë bërthamore” shkruan “Spiegel”.
Mund të jetë, një nëndetëse luftarake me energji bërthamore (SSN). Një nëndetëse e tillë mund të përdoret gjithashtu për të sulmuar anijet e armikut. Nga ana e saj, gazeta italiane “La Repubblica” i referohet ngjarjes me titullin: Një nëndetëse bërthamore ruse përballë Siçilisë.
Ndërkohë që edhe Shtetet e Bashkuara të Amerikës kanë rritur ndjeshëm prezencën e tyre në Mesdhe. “USS Bush” është futur këto ditë në Mesdhe përmes ngushticës së Gjibraltarit.
