Ende nuk ka asgjë gjurmë nga biznesmeni shqiptar Xhani Topalli.
Ai u zhduk tetë ditë më parë në ishullin e Rodosit në Greqi. Familja beson se ai është ende gjallë dhe nuk i ka ndaluar kërkimet.
Gjithashtu edhe policia ka hetuar të gjitha lëvizjet e tij, por nuk ka asnjë gjurmë.
Familja dyshon se zhdukja lidhet me borxhet që kishte filluar që të mblidhte në disa biznese.
Makina e tij u gjet e braktisur, e hapur dhe me xhama të ulur dhe pa çelësa.
Policia beson se Topalli ose mund të ketë dalë vetë nga makina, ose mund të jetë rrëmbyer dhe autorët kanë planifikuar gjithçka në detaje për të mos krijuar dyshime.
46-vjeçari, baba i tre fëmijëve, jeton në Rodos prej më shumë se dy dekadash.
