Nuk ka qetësi te Kukësi. Skënder Gega largohet nga drejtimi i ekipit verilindor. Ai e ka lajmëruar largimin përmes një fotoje ku i ka falënderuar të gjithë, për eksperiencën e dytë që pati me verilindorët.
Presidenti i nderit Safet Gjici pati mëngjesin e së shtunës një mbledhje me stafin teknik dhe lojtarët.
Në takim u analizua paraqitja e skuadrës në këtë fillim sezoni, ndërsa pak orë më vonë trajneri Gega ka marrë përgjegjësitë.
Shkak janë bërë rezultatet. Paraqitja e Kukësit në këto javë të para ishte shumë larg pritshmërive, pasi nuk morën më shumë se dy barazime ndaj Tiranës dhe Teutës, ndërsa u mundën nga Vllaznia dhe Kastrioti.
Gega bëhet i trajneri i dytë pas Renato Arapit, që largohet këtë sezon, pas vetëm 4 javësh kampionat.
