Një 35-vjeçar, i cli dyshohet se ka kryer 4 vjedhje banesash dhe biznesesh është kapur ditën e sotme nga policia.
Sipas të dhënave dyshohet se ai ai ka kryer një vjedhje në qershor dhe 3 të tjera brenda shtatorit të këtij viti. I riu ka grabitur, një banesë, një farmaci, një këmbim valutor dhe një telefon.
Njoftimi i policisë
Shtetasi J. T. dyshohet të jetë autor i disa vjedhjeve, në banesa dhe biznese të ndryshme të Tiranës, konkretisht:
- Më datë 07.06.2022, në rrugën “Panorama”, dyshohet se ka vjedhur në banesën e shtetasit A. K.;
- Më datë 02.09.2022, në “Don Bosko”, dyshohet se ka vjedhur në farmacinë e shtetases M. D.;
- Më datë 07.09.2022, në “Don Bosko”, dyshohet se ka vjedhur në një subjekt për këmbim valutor, në administrim nga shtetasja D. G.;
- Më datë 12.09.2022, në rrugën “Dritan Hoxha”, dyshohet se ka vjedhur telefonin e shtetases Xh. D.
