Vitin e kaluar Shqipëria dëboi një rus të quajtur Georgi Budanov. Ai erdhi në Shqipëri duke shprehur planet e tij për investime në fushën e turizmit.
Rusi e kaloi kufirin shqiptar në Qafë Thanë në datën 11 mars 2021. Budanov ngjalli dyshime jo për shkak të shtetësisë, por lëvizjeve pranë zonave ushtarake.
Ai u pikas në zonën e Orikumit në Vlorë me preteksin se kërkonte vend të përshtatshëm për të investuar në ndërtimin e një resorti me shtëpi alpine.
Budanov është parë duke lëvizur në këmbë nga Orikumi në malin e Karaburunit pas bazës ushtarake të Pashalimanit.
Në datë 1 maj 2021, u firmos urdhri për dëbimin e tij. Hakerat që nxorën mesazhet e ish-drejtorit Gledis Nano kanë publikuar edhe vendimin e dëbimit të rusit.
