Presidenti i Shteteve të Bashkuara të Amerikës, Joe Biden ka propozuar të martën diplomaten veterane Lynne Tracy për të shërbyer si ambasadore në Rusi, pas pensionimit të të dërguarit aktual John Sullivan.
Dikur diplomatja numër dy në misionin amerikan në Rusi, Tracy është aktualisht ambasadorja e SHBA në Armeni dhe emërimi i saj në postin e Moskës varet nga miratimi nga Senati i SHBA.
Ajo u diplomua në studimet ruse në Universitetin e Gjeorgjisë dhe fitoi një diplomë juridike në Universitetin e Akronit, Ohio në 1994.
Pasi iu bashkua Departamentit të Shtetit, ajo ka shërbyer në misione në Evropën Lindore dhe Azinë Qendrore, duke përfshirë Gjeorgjinë, Kirgistanin, Turkmenistanin dhe Kazakistanin.
Ajo shërbeu gjithashtu si diplomatja më e lartë amerikane në Peshaëar, Pakistan nga viti 2006 deri në vitin 2009, ku i mbijetoi një sulmi nga persona të armatosur në makinën e saj zyrtare.
Nga viti 2014 deri në vitin 2017, Tracy ishte zëvendësshefe e misionit në Moskë.
Emërimi i saj, i cili vjen në një moment të tensionuar në marrëdhëniet e SHBA-së me Rusinë për shkak të luftës në Ukrainë. Ashtu si me të gjithë kandidatët për ambasadorë, Tracy do të duhet të marrë konfirmimin e Senatit përpara se të marrë postin e saj.
