Biznesmeni Ervis Martinaj vijon që të jetë në qendër të vëmendjes pas zhdukjes pa gjurmë në fillim të gushtit.
Ende policia nuk e ka një pistë konkrete, nëse kemi të bëjmë me inskenim apo krim. Por rasti i Martinajt nuk është i pari.
Në 2016, me nisjen e kanabizimit filluan zhdukjet e bujshme duke nisur nga Vlora.
Ishin mbi 18 emrat e të zhdukurve në Vlorë brenda dy viteve nga 2016-18. Shumë prej tyre ende sot nuk janë gjetur.
Mes emrave të njohur që nuk u dihet fati janë Albano Xhaferri zhdukur në 2016, Ervis Troqe një muaj pas tij, Ksandro Imeraj.
Gjithashtu ende pa “nam dhe nishan” sot janë Ermal Ngucaj po nga Vlora, apo Klevis Lleshi nga Bulqiza.
Lista sigurisht që është më e pasur se kaq, por emrat e sipërcituar janë më të bujshmit vitet e fundit.
