Paraditen e sotme Gjykata e Apelit të Tiranës rrëzoi kërkesën për liri të Arsen Muskurtit. Disa javë më parë ai vrau vëllanë Dritan Muskurti dhe kunatën Nora Muskurti.
Biznesmeni kërkoi lirinë me argumentin se vuan nga problemet mendore. Por Apeli e rrëzoi kërkesën duke e lënë në burg.
“Çështja në apel u shqyrtua mbi bazën e ankimit të bërë nga personi nën hetim i cili kërkoi ndryshimin pjesërisht të vendimit, caktimin si masë sigurimi personal atë të “arrestit ne burg”, me afat 30 ditë, me qëllim kryerjen e akt ekspertimit psikologjik për verifikimin e gjendjes së shëndetit mendor.
Në vijim, Gjykata e Apelit Tiranë, e përbërë nga Relator Gjyqtar z. Genti Shala, me vendimin nr, 827 datë 26.09.2022 vendosi: -Miratimin e vendimit 1824 Akti, datë 01.09.2022 të Gjykatës së Rrethit Gjyqësor Tiranë” thuhet në vendim.
