Policia ka bërë të ditur se një automjet i parkuar është djegur gjatë natës së djeshme në lagjen “24 Maji” në Vlorë.
Mësohet se ngjarja ka ndodhur rreth orës 02:30 ndërkohë që nga flakët janë shkaktuar vetëm dëme materiale.
“Më datë 27.09.2022, rreth orës 02:30, në lagjen “24 Maji”, Vlorë, ka rënë zjarr në një automjet të parkuar, tip “Ford” në pronësi të shtetasit L. K., banues në Vlorë, ku janë shkaktuar vetëm dëme materiale.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit”, thuhet në njoftimin e policisë.
