42-vjeçari Pjeter Kola ka mbërritur i plagosur në spitalin rajonal të Shkodrës, këtë të martë.
Mësohet se ngjarja është regjistruar në aksin rrugor Vau i Dejës-Pukë.
Fillimisht ai ishte dërguar në qendrën shëndetësore në Vaun e Dejës ku shoqërohej nga dy persona.
Më pas nga aty është transportuar në spitalin rajonal të Shkodrës për mjekim më të specializuar dhe ndodhet jashtë rrezikut për jetën.
Policia e Lezhës, Vaut të Dejës dhe Shkodrës janë duke vijuar hetimet për zbardhjen e ngjarjes.
