Zgjedhjet po afrojnë dhe partitë politike kanë nisur përgatitijet.
Primare apo sondazhe, forcat politike janë hedhur në veprim për të gjetur kandidatët më të mirë për bashkitë. Në krahun e majtë janë të qetë.
Jo vetëm që kanë avantazhin e dy pushteteve, qendrorit dhe lokalit por edhe faktin që strukturat janë në këmbë.
E kundërta ndodh në krahun tjetër. Opozita ende nuk ka koalicion zyrtar, por mbi të gjithë lokomotiva është e përçarë.
PD vijon që të jenë e ndarë në dy kampe. Çarja është e thellë. Aleatët tradicionalë dhe jo vetëm të PD-së i kërkojnë së djathtës bashkim për të mundur Edi Ramën.
Kreu i PR-së, Fatmir Mediu, i PPA-së, Agron Duka, por edhe Dashamir Shehi i LZHK-së kërkojnë unitet.
“Opozita duhet të përfaqësohet me një kandidat në zgjedhje. Në 6 mars kandiduam në 6 bashki dhe humbëm 5. Aventura me 2-3 kandidatë, është fitore e Ramës.
Përveç primareve, mund të zhvillohen edhe sondazhe me qytetarët” thanë ata. Dy ditë më parë ishte Ilir Meta që i kërkoi Sali Berishës që në zgjedhje të dilet me një kandidat të vetëm përballë Edi Ramës.
