Hungaria kundërshton një paketë të tetë sanksionesh të BE-së kundër Rusisë, për sa kohë që ato përfshijnë sanksione energjetike.
Kështu deklaroi sot shefi i kabinetit të kryeministrit Viktor Orbán.
Komisioni Evropian propozoi të mërkurën sanksione të reja kundër Rusisë, të cilat përfshijnë kufizime më të forta tregtare, futjen në listën e zezë të më shumë rusë dhe një çmim maksimal për naftën nga vendet e treta.
Sanksionet e propozuara nuk përfshijnë masa më të ashpra, siç është ndalimi i importeve të diamanteve ruse, për të cilin po kërkojnë Polonia dhe tre shtetet baltike.
Orban është një kundërshtar i njohur i sanksioneve në Rusi
Por shtetet e BE-së kanë nevojë për unanimitet për të vendosur sanksione dhe Orban i ka kritikuar ato, duke thënë të hënën se sanksionet e BE-së “dështuan” duke rritur çmimet e energjisë dhe duke dëmtuar ekonomitë evropiane
“Hungaria ka bërë tashmë shumë për të ruajtur unitetin evropian, por nëse ka sanksione energjetike në paketë, atëherë ne nuk mund ta mbështesim dhe nuk do ta mbështesim”, tha Gergely Gulias në një konferencë për shtyp.
“Ne jemi duke pritur për një listë përfundimtare, të plotë të sanksioneve dhe më pas do të jemi në gjendje të negociojmë për të. Hungaria nuk mund të mbështesë sanksionet energjetike”, theksoi ai.
