Një informacion në rrugë operative ka çuar në pranga një person në Tiranë. Ai është Albert Prendi 38 vjeç, banues në Tiranë dhe akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit në automjetin që po drejtonte në bulevardin “Migjeni”, shërbimet e Policisë gjetën dhe sekuestruan në cilësinë e provës materiale 2 armë zjarri pistoleta, 2 krehra dhe municion luftarak.
Ende nuk dihet nëse ishte nisur për të vrarë dikë apo lëvizte i armatosur nga frika. Materialet i kaluan Prokurorisë, për veprime të mëtejshme procedurale.
