Një 58-vjeçar shqiptar ka humbur jetën në spitalin ‘Papanikolaou’ të Selanikut. 58-vjeçari kishte 9 ditë i shtruar në spital pasi kishte pësuar djegie të rënda nga shpërthimi i një bombole gazi në vendin ku punonte.
Ngjarja ndodhi më 29 shtator, ndërkohë që 58-vjeçari ishte duke punuar në një ‘varrezë makinash’ në perëndim të Selanikut.
Ndërsa ditën e sotme, u njoftua se ai nuk arrit t’i mbijetonte plagëve pavarësisht përpjekjeve të mjekëve. Tashmë po vijojnë hetimet nga organet kompetente për rrethanat e aksidentit.
