Një fëmijë katër vjeçar humbi jetën tragjikisht në Greqi kur traktori që po ngiste babai i tij 30 vjeçar, doli nga rruga dhe u përmbys në një fushë.
Ngjarja ka ndodhur mbrëmë vonë, në një rrugë të vështirë malore, në rrugën provinciale të Syvrou Karyas, në Egluvi, fshati më malor i Lefkadës, në qendër të ishullit.
Një 16-vjeçar në traktor ka mbetur i plagosur lehtë, ndërsa drejtuesi 30-vjeçar me origjinë shqiptare është dërguar në Komisariatin e Lefkadës dhe është liruar ditën e sotme.
