Kanë mbërritur në presidencë anëtarët e Këshillin e Sigurisë Kombëtare.
Më herët u lajmërua që Presidenti Bajram Begaj do të mbledhë Këshillin e Sigurisë Kombëtare, për të biseduar për sulmet kibernetike nga Irani.
Pjesë e mbledhjes së Këshillit të Sigurisë Kombëtare do të jetë edhe vetë kryeministri Edi Rama e ministrja e jashtme, Olta Xhaçka, ministri i Mbrojtjes Niko Pelesh.
Fillimisht u lajmërua që do te merrte pjese edhe ministri i Brendshëm Bledi Çuçi, por ky i fundit ka dërguar Xhaçkën.
Po çfarë është Këshilli i Sigurisë Kombëtare?
Këshilli i Sigurimit Kombëtar është organ këshillimor, i cili mbështet Presidentin e Republikës në ushtrimin e kompetencave dhe përgjegjësive kushtetuese e ligjore.
Cilët janë anëtarët e Këshillit?
Këshilli i Sigurisë përbëhet nga 14 anëtarë dhe kryesohet nga Presidenti i Republikës.
Anëtarët e tjerë të tij janë kryetari i Kuvendit, kryeministri, 7 ministra—i mbrojtjes, drejtësisë, punëve të brendshme, financave, transportit, punëve të jashtme dhe energjisë.
Anëtarë e tjerë janë Kryetari i Komisionit parlamentar të Sigurisë Kombëtare, Drejtori i Shërbimit Informativ Shtetëror dhe Drejtori i Përgjithshëm i Policisë.
