Gjatë foltores në njësinë 5 të Tiranës, Sali Berisha theksoi rëndësinë e protestave të opozitës, duke i cilësuar ato si zëri i shqiptarëve dhe një mjet kyç për të mbrojtur të drejtat dhe interesat e qytetarëve, si brenda vendit, ashtu edhe në nivel ndërkombëtar.
“Pa këto protesta, ne nuk do të ishim më opozitë. Qëndresa jonë ka bërë që zëri i shqiptarëve të dëgjohet jo vetëm brenda vendit, por edhe në arenën ndërkombëtare. Nëse nuk do të kishim qëndruar, pushteti absolut i Edi Ramës do të kishte mbjellë terror në të katër anët e vendit. Përmes protestave, ne kemi kundërshtuar narrativat e dëmshme që tentojnë të justifikojnë probleme të brendshme duke shpërndarë stereotipe për shqiptarët, dhe kemi treguar se shqiptarët nuk i zgjidhin problemet duke marrë peng njëri-tjetrin. Falë qëndresës së qytetarëve, zëri i vendit tonë është bërë më i fuqishëm dhe më i dëgjuar se kurrë më parë, duke mbrojtur dinjitetin kombëtar dhe individual.”
