Gjykata e Lartë Federale e Zvicrës ka dënuar me burgim të përjetshëm një 46- vjeçar shqiptar që kreu një vrasje të dyfishtë në Bazel më 9 mars 2017 bashkë me një tjetër shqiptar. Por, si ndodhi ngjarja e rëndë për të cilën akuzohet shqiptari?
Ky i fundit hyri në një kafene në mbrëmje së bashku me një bashkëpunëtor. Të dy ishin të armatosur dhe pesë të shtëna u qëlluan nga një armë. Objektivi ishin tre nga personat e pranishëm, gjithashtu shqiptarë.
Secila nga viktimat u qëllua në bark, ndërsa njëri prej tyre ishte përpjekur t’i afrohej autorëve, këta të fundit e kanë qëlluar me plumb në ballë. Pas ngjarjes, autorët u larguan me një makinë.
Ata lanë një të vdekur pas, një tjetër viktimë vdiq në spital, përkatësisht 28-vjeçarin Mirjan B dhe 39-vjeçarin Orges S., ky i fundit kishte ndryshuar emrin dhe mbiemrin në Shqipëri. I treti i mbijetoi plagosjes së rëndë. Arsyeja e konfliktit nuk u mësua kurrë, por hetuesit supozojnë se bëhej fjalë për larje hesapesh për çështje droge.