Ish deputeti, Artur Roshi, i cili u dënua me një gjobë prej 800 mijë lekësh për shpifje është shprehur se gjitha ishte një sulm politikë pasi u ul në tavolinë me Berishën.
“Nuk ka të bëjë me postin e deputetit që kam pasur. Unë do ta ankimoj vendimin. Mundohet të godasë këto gjëra sekondare që nuk kanë asnjë vlerë ndërkohë që nuk godet korrupsionin. Është e ulët që të merret SPAK me këto lloj gjërash, për një konflikt të vogël personal, madje për një fjalë.
Por ndikon edhe ulja në tavolinë me Berishën. Ne jemi mësuar me këto gjëra dhe nuk na bëjnë përshtypje.
Dikush në prononcimin në Sarandë më bëri një filmim, ku thoshte ndërton pa leje kur unë ndërtoja me leje. Mbi këtë unë sqarova opinionin publik me një status në facebook,” u shpreh ai në Fax News.
