Policia italiane ka sekuestrua rreth 200 kilogramë kokainë e cila vinte nga Amerika e Jugut në Portin e Livornos.
Sipas mediave italiane kokaina ishte sjellë në Itali në dy konteinerë frigoferikë të ngarkuar me banane, që kishin kaluar nga Ekuadori një muaj më parë.
Lënda narkotike u gjet e ndarë në 180 pako të mbështjella me izolant dhe e mbuluar me një shtresë plumbi, për të ruajtur më mirë drogën dhe për të shmangur kontrollet teknike.
Nëse do të hidhej në treg, kokaina do të kapte vlerë e mbi 60 milionë eurove. Deri tani nuk raportohet për të arrestuar.