Kryetari i partisë së Lirisë, Ilir Meta i ka kërkuar Sali Berishës, që të nxjerrë sa më shpejt kandidatët për zgjedhjet lokale. Partia e Lirisë kërkon pjesën e saj të “tortës” te këshillat bashkiakë dhe kandidatët për kryetar bashkie ia ka lënë PD-së.
“PD sa më shpejt të jetë e qartë, kur dalin kandidatët përballë Rilindjes.
Në zgjedhje nuk votohet as për zotin Berisha, as Metën, por për kandidatët. Do të do të votohet për emra konkretë dhe përfaqësues konkretë” tha ai.
Është dakord me Sali Berishën për protestat. “Pa asnjë diskutim ne jemi me çdo protestë që bëhet në Shqipëri.
Inkurajoj pedagogët, studentët dhe të gjitha grupet e interesit që të shfrytëzojnë të gjitha të drejtat e tyre. Protestat dhe grevat janë të domosdoshme për të përmbysur këtë regjim” tha ai.
