Ministri i Punëve të Brendshme, Besfort Lamallari, me anë të një postimi në faqen e tij facebook ka njoftuar për takimin që ka zhvilluar sot në selinë e Europol në Hagë, ku u prit nga drejtori ekzekutiv në detyrë, Jürgen Ebner, si dhe nga përfaqësues të qendrave të specializuara të agjencisë kundër krimit të organizuar dhe atij ekonomik.
Postimi i Lamallarit
Në selinë e Europol në Hagë, ku zhvillova një takim me drejtorin ekzekutiv në detyrë, Jürgen Ebner, si dhe me përfaqësues të qendrave të specializuara të Europol kundër krimit të organizuar dhe krimit ekonomik.
Diskutuam mbi forcimin e mëtejshëm të bashkëpunimit mes Shqipërisë dhe Europol, veçanërisht në luftën kundër trafikut të drogës, grupeve kriminale, trafikimit të qenieve njerëzore, krimit financiar dhe mashtrimeve online.
