Edhe këtë të mërkurë qindra qytetarë janë grumbulluar në sheshin “Skënderbej” në ditën e 25 të protestës antiqeveritare të cilët kërkojnë largimin e Kryeministrit Edi Rama dhe qeverisë së tij.
Protestuesit më pas kanë vijuar marshimin drejt Kryeministrisë aty ku edhe do të mbahen fjalimet kundra qeverisë.
ProtestusIT me pankarta në duart dëgjohen duke thirrur: “Edi Rama o tradhtar, me Shqipërinë mos bëj pazar, Edi Rama o legen, prite popullin se të vjen”.
Ndërkohë kësaj proteste i është bashkuar edhe profesori i letërsisë, Behar Gjoka, i cili është shprehur se sa herë kam patur mundësinë kam dalë në tubim, sipas tij nuk ka shqiptar që nuk ka arsye për të protestuar ndaj kësaj qeverie.
Protestuesi në ditën e 25: Me këtë qeveri Shqipëria është si në burg!
