Rinisin fluturimet nga Rinasi drejt Italisë. Fluturimet sot u ndërprenë për shkak të grevës së punonjësve në Itali dhe fillimisht ishte planifikuar që të mos kishte asnjë lëvizje nga aeroportet italiane drejt Shqipërisë dhe e kundërta. Por në një njoftim të dytë, aeroporti i Tiranës njofton se në orën 15:00 rikthehet situata normalisht me lëvizjet.
“UPDATE‼️ TIA njofton se fluturimet nga aeroportet Italiane dhe drejt tyre do të vazhdojnë normalisht duke filluar nga ora 15:00 e ditës së sotme. Ju lutemi pasagjerëve që kanë fluturim sot drejt destinacioneve të Italisë të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport” mbyllet njoftimi.
