Për më shumë se 1 muaj, Irani po përballet me protesta të përgjakshme. Në fundin e javës që lamë pas, një tjetër valë ka nisur në Gjermani.
Rreth 80,000 iranianë dhe mbështetësit e tyre kanë marshuar në Berlin në solidaritet me protestat e vazhdueshme në Iran.
Mitingu i të shtunës në kryeqytetin gjerman besohet të ketë qenë më i madhi i mbajtur deri më tani nga diaspora iraniane.
Iranianët nga e gjithë Evropa, brohoritën sloganin e protestuesve “Gratë, Jeta dhe Liria!”
Në Iran, protestat e shkaktuara nga vdekja e një gruaje të re në paraburgim, kanë hyrë në javën e gjashtë.
Mahsa Amini 22 vjeç, vdiq pasi u arrestua nga policia e moralit në Teheran më 13 shtator, pasi dyshohet se mbante shaminë e saj shumë të lirë.
