Policia e Durrësit ka arrestuar një 38-vjeçari të shpallur në kërkim për trafikim të lëndëve plasëse më vitin 2015.
Në njoftimin e policisë thuhet se më 17.01.2015, 38-vjeçari Bledar Plaku së bashku më 3 shtetas të tjerë, u konstatua duke transportuar 3 kallëpe lënde plasëse si rrjedhojë Gjykata e Rrethit Gjyqësor Durrës e ka dënuar me 4 vjet e 4 muaj burgim, për veprën penale “Trafikimi i lëndëve plasëse, djegëse dhe helmuese”, kryer në bashkëpunim.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
