Ditën e sotme kryemistri i Shqipërisë Edi Rama ka zhvilluar një takim me fermerët e Ersekës. Nga ku ka folur edhe një herë për rritjen e energjisë elektrike.
Sipas tij kundërshtarët e tij politike po lëshojnë çdo ditë helm dhe shpifje, pas të cilave nuk qëndrojnë qëllimet e vogla për pushtet, por akuza të koordinuara nga rublat ruse.
“Duke mos dashur që çmimin stratosferik të energjisë mos ua faturojmë njerëzve do na duhet të paguajmë shuma kolosale nga buxheti i shtetit.
Nuk mund të themi jo s’ka lidhje, aq më tepër që në vend të informojmë njerëzit dhe për të rënë dakord për faktet e një lufte që na sulmon përmes energjisë dhe inflacionit, rrisim dozën e helmit, dezinformimit përmes deklaratash që janë shpifje nga më monstruozet.
Përmes pasqyrash mediatike që pasqyrojnë këto shpifje dhe shtojnë edhe më shumë.
Kjo nuk është e rastësishme, është më shumë se sa kaq, është influencës e drejtpërdrejtë ruse në Shqipëri.” tha Rama.
