Rusia ka nisur një valë sulmesh me raketa në diga hidroelektrike dhe infrastrukturë tjetër kritike anembanë Ukrainës të hënën e 31 tetorit në mëngjes.
Sipas mediave botërore shpërthime të shumta janë raportuar pranë kryeqytetit Kiev dhe në të paktën dhjetë qytete dhe rajone të tjera.
Komanda ajrore e Ukrainës tha se rrëzoi 44 nga 50 raketa armike.
Guvernatori i Kievit, Oleksiy Kuleba, tha se “granatimet masive në rajon” kishin dëmtuar energjinë elektrike dhe infrastrukturën energjetike.
Ai tha se banorët duhet të testojnë ndërprerjet emergjente të energjisë.
Raketat e lundrimit u lëshuan nga avionët rusë Tu-90 dhe T-60 që fluturonin në veri të detit Kaspik dhe rajonit të Rostovit.
Ata goditën objektiva në rajonet e Kievit, Zaporizhzhia dhe Kharkiv, si dhe në zonat e Mikolaiv, Lviv, Zhytomyr, Kirovohrad dhe Chernivtsi.
Termocentralet ishin ndër objektivat e goditur nga Rusia këtë mëngjes, sipas Herman Halushchenko, ministri i Energjisë i Ukrainës.
Në një deklaratë në Facebook, Halushchenko e përshkroi atë si “një sulm tjetër barbar” dhe se “Nënstacionet elektrike, hidrocentralet dhe objektet e prodhimit të nxehtësisë u goditën nga raketa”.
