Kryeministri Edi Rama, në një takim me të rinjtë në Tropojë u shpreh se koha kur shqiptarët që largohen jashtë shtetit do të kthehen në vendin e tyre, nuk është shumë e largët, pasi sipas tij, tashmë kushdo mund të krijojë një mundësi më të mirë për të jetuar në Shqipëri.
Rama shtoi se nuk do të financojë më bursa për studentët ekselentë që studiojnë jashtë vendit, pasi shumica prej tyre nuk janë kthyer.
Duke shtuar se bursat do të jenë vetëm për ekselentët brenda vendit.
“Nuk është çështja që nuk do jepen, ne po e shohim ne nuk e kemi shpikur e bëjnë edhe vende të tjera. Ne po e studiojmë dhe me shumë gjasë do të ndodhë dhe ne e kemi lidhur edhe me nivelet e bursave. Nxënësit ia kanë marrë lekët shtetit dhe nuk janë kthyer. Ndaj do të financojmë bursa vetëm brenda shtetit”.
