51-vjeçari shqiptar Ylli Mera, i cili ishte zhdukur pak kohë më parë është gjetur i pajetë në një zonë pyjore në Selanik të Greqisë. Trupi i tij i pajetë u gjet nga policia.
Familjarët dyshojnë se ai është vrarë, pasi kishte një plagë në kofshë. Ai kishte humbur kontaktet me familjen në Selanik që prej datës 1 nëntor.
Sipas policisë, 51-vjeçari shoqërohej nga një 59-vjeçar grek, për llogari të të cilit kanë dalë në mal për të prerë dru pa leje.
59-vjeçari është person “kyç” për zbardhjen e rrethanave të vdekjes. Ai është në kërkim. Në shtëpinë e tij u gjetën disa gëzhoja dhe u arrestua djali.
