Policia e Sarandës ka arrestuar dy persona të cilët po tentonin të trafikonin lëndë narkotike nga Konispoli në drejtim të Greqisë.
Sipas njoftimit të policisë P. B 42 vjeç, banues në Greqi dhe S. Q 32 vjeç, banues në Vlorë u arrestuan në flagrancë pas informatave që kishte marrë policia se po tentonin të trafikonin lëndë narkotike nga Konispoli në drejtim të Greqisë.
Pas lokalizimit në lagjen nr.3, shërbimet e Policisë kanë ushtruar kontroll në dy çantat që ata kishin me vete, në të cilat kanë gjetur dhe sekuestruar rreth 5 kg lëndë të dyshuar narkotike cannabis sativa, të ndarë në 4 pako.
