Policia e Korçës dhe Prokuroria e Maliqit kanë zbuluar një ambient të sofistikuar për kultivimin e drogës, të fshehur poshtë një koteci shpendësh në fshatin Vreshtas.
Një person me inicialet K.L. është arrestuar, ndërsa një tjetër është shpallur në kërkim.
Hetuesit gjetën brenda dhomës nëntokësore sisteme ventilimi, ndriçimi dhe ngrohjeje, dhjetëra vazo me bimë cannabis sativa, pajisje për tharje dhe peshore elektronike. Nga kontrolli u sekuestruan 5.4 kilogramë lëndë narkotike, një sasi e vogël kokainë dhe një armë me bombol gazi.
Hetimet vazhdojnë për të identifikuar të gjithë personat e përfshirë dhe rrjetin e shpërndarjes.
