Pas 13 minutash ndeshje kundër Australisë, mbrojtësi francez, Lucas Hernandez doli nga fusha duke çaluar pas një përplasje me australianin Mathew Leckie.
Në një njoftim nga Federata Franceze është konfirmuar se 26-vjeçari ka pësuar një këputje të ligamentit të brendshëm në gjurin e djathtë.
Për shkak të dëmtimit francezi nuk do të jetë pjesë e turneut të Kupës së Botës 2022.
Hernandez nuk është lojtari i parë i Francës i cili do të humbë turneun më të rëndësishëm të futbollit.
Franca ka humbur një mori lojtarësh në përgatitjen e turneut, duke përfshirë sulmuesin kryesor Karim Benzema.
