Policia e Tiranës ka arrestuar një 18-vjeçar pasi mbante në banesë një armë pa leje, me të cilën u vetëplagos shoku i tij 17-vjeç.
Sipas njoftimit të policisë i riu ndodhet jashtë rrezikut për jetën.
“Specialistët për Hetimin e Krimeve të Komisariatit të Policisë Nr. 3 arrestuan shtetasin E. N., 18 vjeç, banues në Tiranë, pasi mbante në banesë një armë zjarri pistoletë, me të cilën është vetëplagosur aksidentalisht, në këmbë, shoku i tij 17 vjeç, i cili ndodhet jashtë rrezikut për jetën. Arma e zjarrit pistoletë u sekuestrua në cilësinë e provës materiale, së bashku me një sasi municioni luftarak”, thuhet në njoftimin e policisë.
