Zyrtarët e Forcave të Mbrojtjes në Estoni u shprehën se ata po rrisin aftësitë mbrojtëse të vendit duke blerë një sistem të avancuar artilerie me raketa amerikane në projektin më të madh të prokurimit të armëve të vendit baltik.
Anëtari i NATO-s dhe fqinji i Rusisë nënshkroi një marrëveshje me vlerë më shumë se 200 milionë dollarë për Sistemin e Raketave të Artilerisë së Lëvizshmërisë së Lartë (HIMARS), duke përfshirë trajnime dhe pajisje të tilla si municione e raketa.
Kreu i departamentit të zhvillimit të aftësive në Forcat e Mbrojtjes së Estonisë, nënkoloneli Kaarel Maesalu u shpreh se ky veprim është një hap i ri i rëndësishëm në zhvillimin e aftësive mbrojtëse të vendit.
Dorëzimi i parë pritet të vijë në vitin 2024. Letonia dhe Lituania janë aktualisht në proces të blerjes së HIMARS-it të tyre, duke përmendur shqetësimet mes të luftës së Rusisë në Ukrainë.
