Sistemi shëndetësor në Britani tashmë po përballet me protesta të mijëra infermierëve për rritje rrogash.
Më shumë se 10,000 punonjës në Angli dhe Uells kanë paralajmëruar që do të organizojnë një protestë të fuqishme në 21 dhjetor.
Sindikata tha se anëtarët e saj, të cilët përfshijnë ndihmës mjekë dhe infermierë të urgjencës, si dhe operatorë telefonikë në nëntë shërbime rajonale të ambulancës, do të marrin pjesë në grevë.
Në një gamë të gjerë industrish në Britani, punonjësit tashmë po protestojnë ose po përgatiten për shkak të inflacionit dhe recesionit.
“Gjëja e fundit që ata duan të bëjnë është të hyjnë në grevë, por qeveria nuk u ka lënë zgjidhje tjetër”, tha zyrtarja e GMB, Rachel Harrison.
