Vendosja e barrikadave nga serbët lokalë ka nisur gjatë kësaj të shtune. Ato janë vendosur Leposaviç, Zveçan dhe Zubin Potok.
Këto pika janë bllokuar me automjete të rënda, formë kjo e cila njihet si rezistencë e qytetarëve në veri të vendit.
E gjithë kjo ka ndodhur si shenjë revolte pas arrestimit të ish-zyrtari policor, Dejan Pantiç nga Policia e Kosovës gjatë së shtunës në pikën kufitare në Jarinjë.
Arrestimi i tij u bë nën dyshimet për sulm me mjete shpërthyese, që kishin ndodhur disa ditë më herët në zyrat e KQZ-së.
I ndaluari sipas dëshmive të Policisë së Kosovës ka organizuar sulm terrorist në zyrat e KKZ-së në veri të vendit ku ishin sulmuar zyrtarët e KQZ-së dhe zyrtarët policorë.
Për këtë arsye Pantiç akuzohet për sulm kundër rendit kushtetues.
Këto detaje lidhur me të i dha edhe ministri i Brendshëm i Kosovës, Xhelal Sveçla.
Ndër te tjera, ai ftoj qytetaret serbe te Veriut qe te mos bëhen pjesë e organizimeve te grupeve kriminale.
Lidhur me arrestimin e ish-policit ka reaguar edhe drejtori i të ashtu quajturës Zyrë për Kosovën, Petar Petkoviq duke e cilësuar hakmarrje arrestimin.
Ditëve të fundit përveç shpërthimeve, ne Veri është sulmuar edhe Policia e Kosovës ku për pasojë është lënduar një polic.
