Deputeti Pandeli Majko ka reaguar lidhur me tensionet në veri të Kosovës ku policia dhe forcat e EULEX-it janë sulmuar nga grupet serbe pranë kufirit mes vendeve.
Për mes një postimi në llogarinë e tij në Facebook ai u shpreh se Serbia ka filluar një “lojë” të vjetër në kushte të “reja” me Perëndimin.
Nga ana tjetër ai bëri thirrje për të mos nënvlerësuar presidentin serb Vuçiç.
“Serbia ka filluar një “lodër” të vjetër në kushte të “reja” me Perëndimin. Në veriun e Kosovës po zhvillohet “skenari” i Donbasit në Ukrainë. Asnjëherë, nuk duhet nënvlerësuar dikush që mbivlerëson veten. Në këtë rast, ai quhet Aleksandër Vucic!” shkroi Majko.
