Nga kanalizimet te pemët, çatitë dhe deri te divanet e shtëpive. Në Romë ekzistojnë tre lloje kryesore të minjve. Dhe secili ka preferencat e veta përsa i përket dietës, ashtu edhe “akomodimit”. Së bashku, ata kanë pushtuar qytetin.
Për të reduktuar popullsinë e minjve, sipas ekspertëve, është e nevojshme të veprohet në parandalim, shkruan La Reppublica.
“Është e nevojshme të kufizohet disponueshmëria e ushqimit me kontroll më të rreptë të ciklit të mbetjeve, është gjithashtu e nevojshme të hidro-izolohen ndërtesat, të eliminohen të çarat në mure dhe të kontrollohet nëse dyert janë të mbyllura. Një mi mund të hyjë në vrima dhe të çara në disa centimetra”.
Minjtë e Romës enden mes koshave, dyqaneve, bodrumeve dhe shtëpive private. Bashkia e Romës në fillim të vitit 2023 do të nisë aktivitetet e shfarosjes dhe kontrollit të minjve në të gjithë qytetin.
