Kreu i PD-së, Sali Berisha, gjatë mbledhjes së Kryesisë së PD-së është shprehur në lidhje me ndryshimet e reja në rrafshin e zgjedhjeve lokale.
Në lidhje me primaret ai është shprehur se PD në përcaktim me statutin e Rithemelimit bëri të mundur që zgjedhjet të ishin transparente dhe se në garë morën pjesë mbi 200 kandidatë.
“Në këtë garë realisht e para me këto standarte në historinë e vendit, votuan 55 mijë anëtarë e simpatizantë. Kurrë ndonjëherë nuk janë hedhur kaq vota. Votimi tejkaloi me 15% votimet e tjera. Ky është një rast për të falënderuar të gjithë.
Ky është një rast për të falënderuar të gjithë kandidatet dhe kandidatët që garuan, për të shprehur një mirënjohje të thellë të gjithë atyre që organizuan fushatën e tyre, të gjithë anëtarëve e simpatizantëve që morën pjesë në votim.” është shprehur ai.
