Kryetari i Partisë Demokratike, Sali Berisha ka folur për mediat pas daljes nga ambientet e SPAK, ku u paraqit në zbatim të masës së sigurisë “detyrim paraqitje”.
Në deklaratën e tij, Berisha akuzoi për mungesë ndëshkueshmërie në lidhje me aferën e Inceneratorit të Tiranës, duke përmendur shifrën prej 130 milionë eurosh të fondeve publike të pretenduara si të humbura.
“Djegësi i Tiranës, 130 milionë euro të zhdukura, para të qytetarëve të Shqipërisë, taksapaguesve. Dhe janë gjithsej të akuzuar Taulant Tusha dhe Namik Simixhiu. Dhe dy punonjës të thjeshtë, kaq janë. Pra, nuk ka akt më të shëmtuar se për 130 milionë euro të mos ketë një zyrtar të lartë të prangosur, qoftë ai ministër, qoftë ai zëvendëskryeministër apo kryetar bashkie. Kjo është amnisti e krimit”, tha Berisha.
