Viti i ri do të nisë me fokus edhe te dosjet e vjetra që janë në duart e SPAK-ut. Dy janë objektivat e Prokurorisë së Posaçme; së pari rritja e fondeve për përgjimet, që janë një mjet për sigurimin e provës për personat e dyshuar apo të akuzuar dhe së dyti bindja e dëshmitarëve për t’i kthyer në të penduar të drejtësisë, si rasti Dumani.
Qeveria ka parashikuar që të shtojë shpenzimet si për SPAK-un, ashtu dhe për BKH-në. 61 milionë lekë të vjetra do të vendosen në dispozicion të hetimeve vetëm për këtë kategori, pra bindjen e sa më shumë të penduarve me qëllim rihapjen e dosjeve të vjetra që janë pa autorë.
Gjithashtu 45 milionë lekë që do të shërbejnë në interceptimin e bisedave telefonike, apo dhe përgjimet ambientale. Megjithatë, të gjithë presin një përgjigje nga SPAK për dosjet e reja.
